АҚШнинг Талса шаҳридаги касалхонага қилинган ҳужумда беш киши ҳалок бўлди
АҚШнинг Оклахома штатидаги Талса шаҳри касалхонасига қурол билан бостириб кирган шахс тўрт кишини отиб ўлдирди. Шундан сўнг у ўз жонига ҳам қасд қилган.
Полициянинг билдиришича, ҳужумчи 35-40 ёшларда бўлиб, касалхонадагиларга милтиқдан ўқ отган. Унинг шахси ва ҳужум сабаблари аниқланмоқда.
Бу жорий йилда АҚШда иккинчи марта содир этилган қуролли ҳужум бўлди. 24 май куни Техас штатининг Ювалд шаҳридаги мактабларнинг бирига ҳужум қилганди. Бу ҳужумда 19 ўқувчи, бир ўқитувчи ва яна икки киши ҳалок бўлган. Яна 13 ўқувчи турли даражадаги жароҳатлар билан касалхонага ётқизилган.
Полиция мактабга ҳужум қилганликда гумонланган Сальвадор Рамос исмли 18 ёшли йигит отиб ўлдирилганини билдирган.
АҚШ президенти Жо Байден Ювалддаги мактабга борган ва мамлакатда қурол савдоси лоббисга қарши нутқ сўзлаган.