Теҳрон ва Каракас ўртасида 20 йиллик стратегик ҳамкорлик тўғрисидаги ҳужжат имзоланди
Эрон ва Венесуэла президентлари Иброҳим Раиси ва Николас Мадуро бугун сиёсат, маданият, иқтисодиёт, нефть, нефть-кимё ва туризм каби соҳаларда 20 йиллик ҳамкорликка оид ҳужжатларни имзоладилар.
Эрон президенти Иброҳим Раиси шанба куни эрталаб Саад-Абад маданий-тарихий мажмуасида Венесуэла президенти Николас Мадуро билан учрашди. Ушбу маросимда Эрон ва Венесуэла давлат мадҳиялари янгради, сўнг Раиси ва Мадуро фахрий қоровул сафини айланиб ўтди.
Венесуэла президенти Туркияга икки кунлик ташрифидан сўнг эронлик ҳамкасбининг таклифига биноан жума куни кечқурун Теҳронга икки кунлик ташриф билан келди. Мадуро Эронга илк бор 2016 йилда ташриф буюрган эди.
РИА Новости