«Толибон» Сари Пул вилоятида исён бостирилганини эълон қилди — Бизга қўшилинг: ???? https://t.me/joinchat/AAAAADwt0NGCRoONT4f1_Q
Фото: «Ҳаққин» «Толибон» ҳаракати 28 июнь куни Сари Пул вилоятида ҳазорлар қўмондони Мавлавий Маҳдий исёни бостирилганини эълон қилди. «Сари Пул вилояти губернатори Муҳаммад Ёқуб Абдул Раҳмон Ака бугун хавфсизлик билан боғлиқ вазиятни баҳолаш учун вилоятнинг Балҳоб туманига ташриф буюрди. Губернаторнинг хабар беришича, Балҳобда одамларни тақиб қилган бир қанча қўлга олинган, хавфсизлик тикланган ва одамлар тўлиқ хавфсизликда яшаяпти». Бу ҳақда «Толибон» назорат қилаётган Афғонистондаги ягона давлат ахборот агентлиги бўлмиш Bakhtar нашри ёзган. «Толибон» ўтган ҳафта бир неча кун давомида Балҳоб туманидаги ҳазорлар қўмондони, собиқ «Толибон» тарафдори Мавлавий Маҳдий позицияларига тўрт томондан ҳужум қилган. «Толибон» ҳужуми жанговар вертолётлар ёрдамида амалга оширилган. Айни пайтда Мавлавий Маҳдийнинг ўзи мағлубиятни тан олгани йўқ. «Бизнинг курашимиз давом этмоқда. Балҳобдаги етмиш икки қишлоқдан фақат саккизтаси «Толибон», ИШИД ва «Ал-Қоида» назоратида. Урушда мағлубиятлар ва ғалабалар бор, лекин ирода муҳим. Балҳоб жангчилари кучли иродага эга ва жиноятчиларга қарши туради», деб ёзган Маҳдий Twitter’даги саҳифасида.