Ҳомиладорлик пайтида вакцина олган онадан иммунитетсиз бола туғиладими?
Қозоғистон аҳолиси орасида ижтимоий тармоқ фаоллари томонидан турли хил тасдиқланмаган хабарлар тарқалган.
Уларда айтилишича, нафас йўллари касалликлари билан туғилган чақалоқлар туғилиши кўпайган ва бунга сабаб сифатида ҳомиладорлик ёки лактация даврида оналарга берилган COVID-19 га қарши вакцина кўрсатилган. Бугун Қозоғистоннинг stopfake.kz интернет нашри мазкур хабарларнинг асоссиз ва ёлғон ахборотлар эканини маълум қилди.
Жорий йилнинг 13 июнь куни Тhе Wаshington Post нашри АҚШда чақалоқлар орасида эрта ва ўрта мавсумда нафас олиш касалликлари кўпайиб бораётгани тўғрисида мақола эълон қилган.
«Аммо мақолада айтилишича, ёш болалар ўртасида касалликнинг кескин кўпайишига ота-оналарнинг эмлангани сабаб эмас, балки карантин чекловлари туфайли болалар одамлар билан яқин алоқада бўлмаган. Ижтимоий масофа ва ниқоб тақиш туфайли чақалоқлар ҳали вирусли инфекцияларни юқтирмаган ва уларга қарши иммунитет шаклланмаган. Ҳозирда кўплаб мамлакатларда карантин чекловлари олиб ташланган ёки сезиларли даражада юмшатилган, бунинг натижасида болалар зудлик билан барча мумкин бўлган респиратор касалликларни юқтира бошлаган, бу эса статистик маълумотларнинг кўпайишига олиб келган», — деб ёзади сайт.
Ҳомиладор аёл томонидан олинган вакцина боланинг иммунитетини заифлаштиради деган назария мутлақо илмий асосга эга эмас. Бўлажак оналарни CОVID-19 га қарши эмлашга рухсат беришдан олдин олимлар кенг қамровли тадқиқотлар олиб боришди. Унинг натижалари шуни кўрсатдики, вакциналар нафақат ҳомиладор аёлларда CОVID-19 га қарши курашда самарали, балки янги туғилган чақалоқларда касалликка вақтинчалик иммунитетни ҳам беради.
«Олимлар онанинг иммун тизими томонидан ҳосил бўлган CОVID-19 қўзғатувчиси SARS-CоV-2 вирусига антитаначалар йўлдошга етиб боришини ва болага ўтишини аниқлади. Улар чақалоқнинг танасида узоқ давом этмайди, лекин улар ҳаётнинг биринчи даврида уни ҳимоя қилишлари мумкин.
Шунинг учун вакцинация қилинган оналардан иммунитетсиз туғилган болалар ҳақидаги кенг тарқалган назария асоссиз ва илмий асоссиздир. Тарқатилаётган янгиликларнинг ҳомиладор аёлларни эмлаш билан ҳеч қандай алоқаси йўқ. Унда айтилишича, чекловлар туфайли болалар бошқа одамлар билан алоқада бўлмайди, шунинг учун уларда нафас йўллари касалликларига қарши иммунитет шаклланмаган», — дейди манба.