Роналду кетишни истамоқда. У «Манчестер Юнайтед»нинг кетма-кет 4-машғулотларини ўтказиб юборди
Криштиану Роналду «Манчестер Юнайтед»нинг навбатдаги машғулотларини ўтказиб юборди.
Manchester Evening News нашрининг хабарига кўра, 37 ёшли ҳужумчи манкунианликларнинг пайшанба кунги машғулотларида иштирок этмаган.
Шу тариқа Роналду «қизил иблислар»нинг мавсумолди машғулотлари 4-кунида иштирок этмади. Португалиялик ҳужумчи душанба куни бошқа футболчилар каби клуб базасига ташриф буюриши лозим эди.
«Манчестер Юнайтед» 8 июль куни Таиланд ва Австралия бўйлаб турга чиқади. Клубдагилар Роналду жамоа билан бирга йиғинларда иштирок этиш ё этмаслигини билмайди.
37 ёшли ҳужумчи Лиссабонда бўлиб турибди. У Португалия терма жамоаси машғулотлар базасига ташриф буюрган.
Роналду 2021/22 йилги мавсум манкунианликлар сафида барча мусобақаларда 39 та ўйинда майдонга тушиб, 24 та гол ва 3 та голли узатмани амалга оширди.