Исроил Мадримов ва Мишел Соро ўртасидаги реванш жанги 9 июль куни бўлиб ўтади — Бизга қўшилинг: ???? https://t.me/joinchat/AAAAADwt0NGCRoONT4f1_Q
Профессионал бокснинг супер ярим ўрта вазн тоифасида ҳаракат қилаётган ўзбекистонлик Исроил Мадримов (8-0, 6КО) Мишел Сорога (35-3-1, 24КО) қарши чемпионлик камарига мажбурий даъвогар мақоми учун реванш жангида иштирок этади. Иккала боксчи ўртасидаги реванш жанги 9 июль куни Англиянинг Лондон шаҳрида бўлиб ўтади. Matchroom томонидан ташкил этилаётган бокс оқшомининг марказий жанги оғиз вазн тоифаси вакиллари Дерек Чисора ва Кубрат Пулев ўртасида бўлиб ўтади. Баҳс олдидан спортчилар тарозидан ўтди. Унда Мадримов 69,45 кг қайд этган бўлса, Соро 69,40 кг тош босган. Мадримов ва Соро 2021 йил 17 декабрда Тошкентда илк бор тўқнаш келган эди. Жангнинг 9-раундида гонг овозини эшитмаган Мадримов рақибга бир неча зарбалар йўллаши натижасида техник нокаут қайд этилган эди. Бундан норози бўлган Соро жамоаси ташкилотга реванш берилишини сўраб мурожаат қилганди. WBA Соро жамоасининг сўровини қабул қилган ва Мадримовга реванш жангида иштирок этиш мажбуриятини қўйганди. WBA Super камари айни дамда Жермелл Чарлога тегишли ҳисобланади.