Қидирувда бўлган қарздор ота топилди — Бизга қўшилинг: ???? https://t.me/joinchat/AAAAADwt0NGCRoONT4f1_Q
Фуқаролик ишлари бўйича Гулистон туманлараро судининг 02.05.2019 йилдаги қарздор Қ.Н.дан ундирувчи Е.С.нинг фойдасига вояга етмаган икки нафар фарзандларининг моддий таъминоти учун 1/3 қисм миқдорида алимент ундириш тўғрисидаги ижро ҳужжати Бюронинг Гулистон шаҳар бўлими иш юритувига 02.05.2019 йилда келиб тушган ва ижро иши юритишни қўзғатиш тўғрисида қарор қабул қилинган. Қарздорнинг мулкий ахволини ўрганиш мақсадида, тегишли ташкилотларга сўровномалар юборилган ва олинган маълумотларга кўра, қарздорга тегишли бўлган мол-мулклар аниқланмаган. Қарздор алимент пулини тўлашдан бўйин товлаб келаётганлиги сабабли, Гулистон шаҳар, “Сайқал” МФЙ, Нурафшон кўчаси, 3-уйдаги яшаш хонадони маҳалла вакиллари ва холислар иштирокида кўздан кечирилганида, қарздорга тегишли бўлган мол-мулклари йўқлиги ва яшамаётганлиги аниқланиб, тегишли тартибда далолатнома расмийлаштирилган. Шу сабабли, қарздорга нисбатан 31.07.2021 йилда қидирув эълон қилинган. Олиб борилган қидирув ишлари давомида, қарздор Қ.Н. Гулистон шаҳридан топилиб, давлат ижрочисига топширилди.