Хитой космосда шоли етиштиришни йўлга қўймоқчи — Бизга қўшилинг: ???? https://t.me/joinchat/AAAAADwt0NGCRoONT4f1_Q
Бир ойдан сўнг Вентиан лаборатория модули билан коинотга етказилган экспериментал гуруч уруғлари муваффақиятли униб чиқди, дея хабар бермоқда Казинформ’нинг ўз мухбири Хитой Фанлар академиясининг эълон қилинган хабарига таяниб. Хитой Фанлар академиясининг коинотда ўсимликлар етиштириш дастури раҳбари Чжен Хюйцюннинг сўзларига кўра, шоли уруғларининг униб чиқиши муваффақиятли бошланган, хусусан, калта донли шоли 4-5 см га униб чиққан. Бу жараёнда тайконавтлар (Хитойда астронавтларни шундай аташади – таҳр.) намуналар йиғади, сўнг уларни музлатиб қўяди ва сақлайди, сўнгра таҳлил қилиш учун Ерга қайтаради. У тадқиқот дунёда биринчи бўлиб космик микрогравитацияда “уруғдан уруғгача” бутун ҳаёт цикли давомида гуруч етиштириш бўйича тажрибани амалга оширишига умид билдирди. Хитой Фанлар академиясининг хабарида таъкидланганидек, узоқ коинотни тадқиқ қилишда, ҳатто Марсга боришни ҳисобга олинса ҳам, фақат Ердан етказиладиган озиқ-овқатга таяниб бўлмайди. Узоқ муддатли саёҳат учун космосда озиқ-овқат маҳсулотларини этиштириш муаммосини ҳал қилиш керак. “Келажакда космик экинларни ишлаб чиқариш бутунлай изоляция қилинган сунъий муҳитда амалга оширилиши керак. Космосда етиштириладиган экинлар юқори ҳосил ва сифат, юқори самарадорлик ва кам энергия истеъмоли талабларига жавоб бериши керак”, — деди Чжен Ҳуиқионг. Биринчи Вентиан лаборатория модули июль ойида ишга туширилган эди. Октябр ойида иккинчи Менгтиан модулининг ишга туширилиши кутилмоқда, шундан сўнг Хитойнинг Тиангонг (Самовий сарой) орбитал станциясининг қурилиши якунланади, у Т шаклини олади. Сўнгги йилларда Хитой ҳукумати миллий космик дастурни изчил ривожлантирмоқда. Чин олимлари режасида шу йил охирида Хитойнинг биринчи космик орбитал станцияси қурилишини якунлашдан ташқари, Ой ва Марсни тадқиқ қилиш ҳам бор.