Ўзбекистонда саккиз ойда 20 ёшгача қизларнинг қанчаси никоҳдан ажрашгани маълум қилинди — Бизга қўшилинг: ???? https://t.me/joinchat/AAAAADwt0NGCRoONT4f1_Q
Ўзбекистонда 2022 йилнинг январь август ойларида 20 ёшгача бўлган 372 нафар қиз ва 8 нафар йигит никоҳдан ажрашган. Давлат статистика қўмитаси дастлабки маълумотларига кўра, саккиз ойда никоҳдан ажрашганлар сони ёш тоифасида қуйидагича бўлган: 20—30 ёш: аёллар 15 110 нафар, эркаклар 9 147 нафар; 31—40 ёш аёллар 10 522 нафар, эркаклар 13 287 нафар; 41—50 ёш: аёллар 3 530 нафар, эркаклар 5 093 нафар; 51 ёш ва ундан катталар: аёллар 3 091 нафар, эркаклар 5 090 нафар. Қўмита маълумотларига кўра, шу вақт давомида республика бўйича қайд этилган никоҳдан ажралишларнинг 293 тасини 4 нафар ва ундан кўп фарзандлилар ташкил этган. Фарзандсиз оилалар сони 9517 тани, бир нафар фарзанди билан ажрашган оилалар сони 15 421 тани, икки нафар фарзанди билан ажрашганлар 5780 тани, уч нафар фарзанди билан ажрашган оилалар сони эса 1619 тани ташкил қилган. Сўнгги маълумотларга кўра, ажралишлар сони Тошкент шаҳрида энг кўп қайд этилмоқда.