Туркия ва Греция ўртасидаги зиддият НАТОнинг бўлинишига олиб келиши мумкин
Туркия ва Греция ўртасидаги зиддиятли вазият Шимолий Атлантика альянсининг бўлинишига олиб келиши мумкин.
Бу фикрни The New York Times газетасининг Европадаги бош дипломатик мухбири Стивен Эрлангер билдирди.
Греция ва Туркия ўртасидаги кескинликнинг кучайиши Европанинг Россияга қарши бирлигини сақлаб қолиш, иқтисодий ва энергетик инқирозларга қарши курашиш ҳаракатларига янги мураккаб жиҳат қўшиш билан таҳдид қилмоқда.
Туркия етакчиси Ражаб Тоййиб Эрдўғон 2023 йилги президентлик сайловлари олдидан “ўсиб бораётган сиёсий ва иқтисодий муаммоларга дуч келмоқда”.
Шу сабабли, «у НАТОдаги иттифоқчисига қарши таҳдидларни кучайтирмоқда», деб хулоса қилди Эрлангер.