Нодирбек Абдусатторов 40 минг АҚШ долларини қўлга киритди — Бизга қўшилинг: ???? https://t.me/joinchat/AAAAADwt0NGCRoONT4f1_Q
Исландия пойтахти Рейкявик шаҳрида ташкил этилган «Fischer Random World Chempionship-2022» турнири якунига етди. 3-ўрин учун баҳсда ҳамюртимиз Нодирбек Абдусатторов классик шахматнинг амалдаги чемпиони норвегиялик Магнус Карлсенга қарши дона сурди. Ғолиб тўрт партиядан иборат баҳсда аниқланиши керак эди. Биринчи баҳсда Нодирбек ўйин тугашига 5 сония қолган вазиятда кутилмаган юриш қилиб, Карлсенни таслим этди. Бироқ қолган 3 партияда Нодирбек имкониятни бой берди ва турнирни 4-ўринда якунлади. Мазкур ўрин учун Абдусатторов 40 минг АҚШ долларини қўлга киритди. Чемпионлик учун кураш АҚШлик Ҳикару Накамура ҳамда россиялик Ян Непомняший ўртасида кечди. Асосий тўрт партия 2:2 ҳисобида дуранг билан тугади. 15 дақиқалик экстратаймда АҚШ вакили Ҳикару Накамура ғалаба қозониб, «Fischer Random World Chempionship-2022» турнирининг ғолиби бўлди.