Москвада 54 та автомобиль иштирокида ЙТҲ содир бўлди
Россиянинг Москва шаҳридаги Рябиновая кўчасида 54 та автомобиль иштирокида йўл-транспорт ҳодисаси содир бўлди. Бу ҳақда Москва Транспорт департаменти хабар берди.
Маълум қилинишича, ҳодиса оқибатида беш киши, жумладан, бир бола жароҳатланган, икки киши касалхонага ётқизилган. Мичуринский проспекти томон ҳаракатланиш бутунлай тўсиб қўйилган.
Давлат йўл инспекцияси маълумотларига кўра, икки киши тиббий ёрдам сўраб мурожаат қилган. «ТАСС»нинг фавқулодда хизматларга таяниб ёзишича, 54 та енгил автомобиль, мотоцикл ва автобус иштирокида бир нечта кичик ЙТҲ содир бўлган. Агентлик маълумотларига кўра, беш киши жабрланган, улардан бири бола, икки нафари касалхонага ётқизилган. Воқеа содир бўлган жойга одамларга ёрдам кўрсатиш учун махсус автобуслар жўнатилган.