Луи ван Гал: "Бу гал чемпион бўлишимизга ишонаман" — Бизга қўшилинг: ???? https://t.me/joinchat/AAAAADwt0NGCRoONT4f1_Q
Жаҳон чемпионати 1-турида Нидерландия ва Сенегал жамоалари ўзаро баҳс олиб боради. Ушбу ўйин олдидан европаликлар бош мураббийи Луи ван Гал матбуот анжуманида иштирок этиб, қуйидаги фикрларни билдирди: "Улар Африка чемпиони, бизга осон бўлмайди. Ҳа, Садио Мане сафдан чиқди, аммо бизда ҳам йўқотиш бор. Мен Садионинг мухлисиман. "Манчестер Юнайтед" мураббийи сифатида ишлаганимда, у билан шартнома имзолашга ҳаракат қилгандим. Сенегал усиз қийналади. Бироқ биз ҳам кўп гол урадиган ва ассистентлик қиладиган Мемфис Депай хизматидан фойдалана олмаймиз. Асосий таркибни аниқлаб бўлдим. Бу мураккаб эмас. 2014 йилда ҳозиргидан кучсизроқ таркиб билан учинчи ўринни эгаллагандик. Бу гал чемпион бўлишимизга ишонаман".