Россияликлар иш излаган мамлакатлар орасида Ўзбекистон етакчилардан бирига айланди — Бизга қўшилинг: ???? https://t.me/joinchat/AAAAADwt0NGCRoONT4f1_Q
Фото: Евгений / Степанов Интерпресс / ТАСС Россия фуқароларининг иш учун топширилган резюмелари ўрганилиб, улар энг кўп қайси давлатлардан иш излаётгани аниқлади. Бундай давлатлар орасида Ўзбекистон ҳам етакчи. Бу ҳақда «hh.uz»га таяниб, «РБК» хабар бермоқда. Яъни ушбу мамлакатларнинг резюме маълумотлар базаларида Россия фуқаролиги кўрсатилганлари кўпайди — жами 66 мингта шундай резюмелар жойлаштирилган. 10 октябрдан 22 октябрга қадар ўтган ойнинг мос даврига нисбатан Россия фуқаролигига эга бўлган аризачиларнинг резюмелари сони энг кўп Қозоғистонда (44 минг резюмега), Грузияда (8,6 мингга), Ўзбекистонда (4,5 мингга), Туркияда (2,9 мингга) ва Қирғизистонда (2,8 мингга) ўсган. Тадқиқотда айтилишича, бу ҳолат меҳнат бозорига ҳали таъсир кўрсатмаган, чунки кўрсатилган 66 минг номзоднинг аксарияти ўз касбий вазифаларини бажариш ва мобил ҳаёт тарзини олиб бориш учун интернетдан фойдаланадиган рақамли кўчманчилар тоифаси вакилларидир. Булар асосан IT мутахассислари (19 фоиз), савдо ва мижозларга хизмат кўрсатиш бўйича ходимлар (10 фоиз), маркетологлар, реклама берувчилар ва PR бўйича мутахассислар (9 фоиз), профессионал қурилиш ва кўчмас мулк гуруҳларидан иш изловчилар (8 фоиз). - Ҳозирча қанча меҳнат ёшидаги иш изловчилар мамлакатни тарк этганини айтиш жуда қийин, чунки одамлар турли сабабларга кўра чегарани кесиб ўтиб, кейин қайтиб келади. Мутахассисларнинг энг оптимистик ҳисоб-китобларига кўра, минимал рақам 300 мингга яқин, — дейилади hh.ru хабарида.