Эрон АҚШ устидан ФИФАга шикоят қилди — Бизга қўшилинг: ???? https://t.me/joinchat/AAAAADwt0NGCRoONT4f1_Q
Эрон футбол федерацияси АҚШ устидан ФИФАга шикоят қилди. Бунга Америка ижтимоий тармоқларида Эрон байроғидан “Аллоҳ” сўзининг олиб ташланиши сабаб бўлган. “АҚШ футбол федерацияси Instagram саҳифасида Эрон байроғидан Аллоҳ сўзини олиб ташлаб, нопрофессионал ҳаракат қилди. Шу муносабат билан Эрон футбол федерацияси ФИФАга АҚШга қарши жиддий чора кўришини сўраб мактуб жўнатди”, – дейилади IRNA агентлиги хабарида. АҚШ ва Эрон 1980 йилда дипломатик муносабатларни узган. Америка футбол федерацияси юқоридаги ҳаракатни “Эрондаги инсон ҳуқуқлари учун курашаётган аёллар” билан бирдамлик рамзи сифатида амалга оширган. Эрон Ислом Республикаси байроғи ўртасида “Аллоҳ” сўзи ёзилган. Аммо АҚШ футбол федерацияси Instagram саҳифасида эса фақатгина учта ранг — яшил, оқ ва қизил рангли байроқ кўрсатилган. Кейинчалик Twitter’да бу тўғрилаб қўйилган бўлса, Facebook ва Instagram саҳифаларидан пост ўчириб ташланган. Эроннинг Tasnim ахборот агентлиги маълумотларига кўра, АҚШ бу ҳаракатлари учун ФИФА низомига мувофиқ 10 та ўйиндан четлатилиши керак. Эронда сўнгги ойларда ҳукуматга қарши намойишлар тинмаяпти. Эрон АҚШ ва бошқа Ғарб давлатларини намойишларни ташкиллаштиришда айблаган. АҚШ-Эрон жамоалари 1998 йилда ҳам ЖЧда тўқнаш келган. Ўшанда бу ўйинда эронликлар 2-1 ҳисобда ғалаба қозонган. Шунингдек, улар америкалик ўйинчиларга тинчлик рамзи бўлган оқ атиргул совға қилишганди.