Австралия Россия ва Эронга қарши янги санкциялар жорий қилди
Австралия Россия ва Эронга қарши янги санкциялар жорий қилди, дея хабар беради Австралия ташқи ишлар вазирлиги.
Таъкидланишича, чеклов чоралари Россиядаги етти кишига тааллуқли. Бундан ташқари, Эроннинг бир қанча жисмоний ва юридик шахслари, жумладан, Эрон вице-полицияси ва Басиж милицияси (Ислом инқилоби қўриқчилари корпусининг бир қисми) ҳам чекловларга дучор бўлган.
Вазирликнинг тушунтиришича, санкциялар инсон ҳуқуқлари бузилгани учун киритилган. Бундан ташқари, Москвага етказиб берилган Эрон дронлари ҳам чекловларга сабаб бўлди.