Криштиану Роналду "Реал Мадрид" базасида машғулотларни бошлади — Бизга қўшилинг: ???? https://t.me/joinchat/AAAAADwt0NGCRoONT4f1_Q
Португалиялик форвард "Реал Мадрид" базасида шуғулланмоқда. Футболчи "Вальдебебас" спорт мажмуасида жисмоний ҳолатини сақлаб туриш учун Мадрид клубидан рухсат олди. Футболчи Карло Анчелотти қўл остида машғулот ўтказадиган "Реал" футболчиларидан алоҳида шуғулланмоқда. Манбанинг қайд этишича, Роналду “Қироллик клуби” билан алоқага чиқмаган. Мадрид клуби ҳам ҳозирда 37 ёшни қаршилаган португалиялик форвард билан музокарага киришишдан манфаатдор эмас. Криштиану Роналду айни дамда эркин агент ҳисобланади, ноябрь ойида у “Манчестер Юнайтед” билан шартномани томонларнинг ўзаро келишувига кўра бекор қилганди. ОАВда ҳужумчи фаолиятини Саудия Арабистонининг "Ал Насср" клубида давом эттириши мумкинлиги ҳақида маълумотлар пайдо бўлганди. ЖЧ-2022'да Роналду Португалия терма жамоаси билан биргаликда чорак финалга қадар етиб борди, ушбу босқичда терма жамоа Марокашга имкониятни бой бериб қўйди (0:1). Ҳужумчи турнир давомида 5 учрашувда 1 та гол уришга эришди.