«ПСЖ» «Реал»нинг захира юлдузини сотиб олмоқчи
«ПСЖ» эътиборини «Реал» вингери Марко Асенсиога қаратди, деб хабар беради Mundo Deportivo.
Манбага кўра, Париж клуби 26 ёшли испаниялик футболчи учун курашга қўшилган ва уни ёзда ўз сафига қўшиб олмоқчи. Асенсионинг «Реал» билан шартномаси 2022/23 йилги мавсум охирида тугайди ва у эркин агент сифатида кетиши мумкин.
ОАВ футболчига «Барселона» ва «Арсенал» клублари қизиқиш билдираётгани ҳақида хабарлар тарқалганди. Шунингдек, қанот ҳужумчиси Мадрид клуби билан янги шартнома имзоламоқчи экани маълум бўлди.
Асенсио жорий мавсум “Реал” сафида барча турнирлар доирасида 15 та ўйинда майдонга тушиб, 3 та гол урди ва 3 та голли узатмани амалга оширди. Transfermarkt портали футболчининг нархини 25 миллион еврога баҳоламоқда.