Биологик қуролга эга давлатлар ҳақида очиқланди
АҚШ ва Буюк Британияда биологик қуроллар мавжуд. Худди шундай фикрни БМТнинг Биологик ва кимёвий қуроллар бўйича комиссиясининг собиқ аъзоси Игор Никулин айтиб ўтди.
«Бу йўналишда доимо етакчи бўлиб келган АҚШ ва Буюк Британия биологик қуролга эга бўлиши кафолатланган. Масалан, Иккинчи Жаҳон уруши пайтида Қўшма Штатлар Буюк Британияга куйдирги споралари билан жиҳозланган снарядларни ўтказган ҳолатлар мавжуд», дейди Никулин.
«Иккинчи жаҳон уруши пайтида Қўшма Штатлар Буюк Британияга куйдирги споралари билан жиҳозланган 500 минг снаряд берган. Айтганча, тарихда Совет Иттифоқи бундай захираларга эга бўлмаган. Шуни таъкидлаш керакки, Қўшма Штатлар кўпинча биологик қуролларни можароларда эмас, балки оддий тинчлик даврида қўллаган. Масалан, 1980-90 йилларда Куба вайрон қилинди: вируслар ёрдамида чўчқалар ўлдирилди, шакарқамиш, гуруч йўқ қилинди. Кўп жиҳатдан шу сабабли, ушбу мамлакатнинг жуда катта ташқи қарзи бор», дейди мутахассис.
Шунингдек, унинг сўзларига кўра, Корея уруши даврида вабо ташувчи бургалар билан тўлдирилган чинни шарлардан фойдаланилган ҳолатлар мавжуд. Уларнинг ёрдами билан ҳалокатли касалликнинг кичик ўчоқларини келтириб чиқариш мумкин эди. Худди шу усул Иккинчи жаҳон уруши пайтида Япония томонидан ҳам қўлланилган.
«Улар шунчаки чинни шарларни ҳаводан сочдилар. Чунки улар портлаш содир бўлса ҳам, қизиб кетмайди. Оддий снарядлар қизийди ва патогенлар ўлади, аммо чинни учун бундай эмас. Бундан ташқари, у жуда мўрт, шунинг учун усул жуда самарали», дейди эксперт.
ТАСС