Жанубий Кореяда туннелдаги ёнғин оқибатида олти киши ҳалок бўлди
Сеулдан 20 километр жанубда жойлашган Квачхон шаҳридаги автомагистрал туннелида содир бўлган ёнғин оқибатида жами олти киши ҳалок бўлди.
Ёнғин маҳаллий вақт билан 13:49 атрофида бошланган ва автобус билан юк машинасининг тўқнашуви оқибатида келиб чиққани тахмин қилинмоқда.
Ёнғин оқибатида тарқалган тутундан 20 дан ортиқ киши заҳарланган ва ҳозирда даволанмоқда.
Воқеа жойида 50 га яқин ўт ўчириш машинаси ва техникаси, шунингдек, 140 га яқин ўт ўчирувчи жўнатилган. Маҳаллий вақт билан 14:40 атрофида ёнғин бартараф этилган.
Полиция ва ўт ўчириш бўлими авария ҳолати юзасидан суриштирув бошлаган.