ОАВ: Бутун бошли Америкада битта мард йигит топилди, у ҳам рус — Бизга қўшилинг: ???? https://t.me/joinchat/AAAAADwt0NGCRoONT4f1_Q
Америкада кўплаб христиан спортчилар ЛГБТ ғояларини оқламайди, лекин бу ҳақида очиқ эълон қилишга кўрқади. Рус йигитининг мардигига қойил қолиш керак, деди FOX News телеканали бошловчиси Такер Карлсон ўз кўрсатувларидан бирида. Гап шундаки, бир неча кун олдин АҚШ Миллий Хокей Лигаси (NHL)да катта шов-шувли воқеа содир бўлган эди. Ўшанда ўйин олдидан барча хоккейчиларга ЛГБТ рангларида свитерларни кийиб очилиш маросимига чиқиш белгиланди. Ҳамма рози бўлган, фақат бир киши – Иван Проваров исмли россиялик хоккейчи бундан бош тортган ва очилиш маросимига чиқмаган. Филадельфиялик россиялик ҳимоячи Иван Проворов ЛГБТ вакилларини қўллаб-қувватлаб, свитерда юришдан бош тортди. “Мен ҳамманинг танловини ҳурмат қиламан. Менинг танловим ўзимга ва динимга содиқ қолишдир”. pic.twitter.com/6cpZQ6h1qY — Шухрат Раззаков (@ShuhratRazzakov) January 20, 2023 Журналистларнинг саволига у “Мен ҳар кимнинг танловини ҳурмат қиламан. Менинг танловим – ўзимга ва ўз динимга содиқ қолиш” деб жавоб берган. Шундан сўнг журналистлар бир неча сония жимиб қолишади. Кейин бир киши – Сизнинг динингиз қайси деб сўрайди. Унга Проворов – рус православияси, деб жавоб беради. Шундан сўнг Иван Проворовга бутун АҚШ ОАВининг ғазаби ёғилди. Лекин, воқеанинг яна бир қизиқ натижаси кузатилди – унинг мардлигига қойил қолганлар ҳам кескин кўпайди - ушбу ўйиндан кейин Проворов рақами туширилган барча футболкаларни сотиб олишди. Эҳтимол FOX News телеканали ушбу воқеага муқобил фикр билдирган ягона ОАВ бўлса ажаб эмас. Ушбу телеканалда сўзга чиққан яна бир журналист Жейсон Уитлок аслида кўплаб спортчилар Проворовни қўллаб-қувватлашини маълум қилди. "Америкада туғилиб ўсган аксарият христиан спортчилар ушбу рус йигитининг нуқтаи назарини қўллаб-қувватлайди, лекин буни очиқ айтишга қўрқади", - дейди журналист. Чунки АҚШдаги барча спорт федерациялари корпорацияларнинг кучли босими остида. “Бунда NHLни айблаш ҳам мушкул, чунки спорт федерацияларини корпорациялар мажбурламоқда. Бутун корпоратив Америка хилма-хиллик, инклюзивлик ва тенглик ғоялари билан тўлиб тошган. Бунинг остига қандай тушунчалар киритилган бўлмасин...”. ЛГБТ қадриятларини улуғлаш учун бугун хоккейчи кириб келмоқда, яқин орада америкаликлар орасида энг оммавий спорт бўлган бейсбол ҳам ана шундай босимга дуч келади. Иван Проворов Россия терма жамоаси хоккейичиси, асли Ярославль шаҳридан. Айни дамда АҚШнинг "Филадельфия флайерс" жамоаси аъзоси.