«Автоваз» Nissan компаниясининг Россиядаги активларининг 99 фоизини сотиб олди
«Автоваз» Nissan’нинг Россиядаги активларини сотиб олиш бўйича битимни ёпди. Тегишли ҳужжатларни бугун «АвтоВАЗ» президенти Максим Цоколов ва «НАМИ» бош директори Фёдор Назаров имзолади, деб хабар бермоқда Россия компанияси матбуот хизмати.
Келишувлар доирасида Автоваз «Ниссан Мэнуфэкчуринг РУС»‘ МЧЖ устав капиталидаги 99 фоиз улушини сотиб олди. Агар хоҳласа, Nissan олти йил ичида Россиядаги собиқ активларини қайтариб олиши мумкин.
«Мавжуд муаммоларга жавобан «Автоваз» жамоаси олдида нафақат Санкт-Петербургдаги майдонда автомобиль ишлаб чиқаришни йўлга қўйиш, балки ўз маҳсулотларини маҳаллийлаштириш даражасини барқарор оширишни таъминлаш вазифаси турибди», – деди Алберт Каримов Россия Федерацияси саноат ва савдо вазирининг ўринбосари.
Ўз навбатида, Максим Цоколов жорий йилнинг иккинчи ярмида Санкт-Петербургдаги собиқ Nissan заводида автомобиль ишлаб чиқаришни қайта тиклаш режаларини тасдиқлади.