Элнур Абдураимов жароҳат сабаб мағлуб бўлди
Ўзбекистонлик профессионал боксчи Элнур Абдураимов Мексикада маҳаллий боксчи Анхель Даниэль Гарсия Молина билан жанг қилди.
10 раундга мўлжалланган жангнинг 7-раундида Элнур баҳсни давом эттирмаслиги маълум бўлди. Бунга Абдураимовнинг 2-раундда қўлидан олган жароҳати сабаб бўлган.
Бу Элнур учун профессионал боксдаги илк мағлубият бўлди. Бунгача у 10 та жангнинг барчасида ғалабага эришган. Мексикалик Молина эса 15-жангида 15-ғалабасини қўлга киритди ва IBF North American камари эгасига айланди.