Мисрда юзи кулиб турган сфинкс ҳайкали топилди
Мисрлик археологлар мамлакатдаги энг яхши сақланган қадимий ёдгорликлардан бири бўлган Хатҳор ибодатхонаси яқинида «юзи кулиб турган ва ёноқларида чуқурчалар бор» сфинкс ҳайкалини топди. Бу ҳақда Туризм ва қадимий ашёлар вазирлиги маълум қилди, дея хабар беради Тhе Аrab News.
Бу сўнгги бир неча ой ичидаги топилмалар сериясининг энг сўнггисидир.
Оҳактош артефакт қадимги Рим императорининг стилизация қилинган тасвири эканлигига ишонилади. У Миср жанубидаги ибодатхона ёнидаги икки қаватли қабр ичидан топилган. «Чиройли ва аниқ ўйилган» сфинкс ёнида олимлар «икки қадимги Миср тилларида – демотик ва иероглиф матнлари билан безатилган Рим стеласини» топдилар.
«Эҳтимол, матннинг тўлиқ нусхаси Миср тадқиқот гуруҳига кўра, император Клавдий бўлиши мумкин бўлган ҳукмдорнинг шахсига ойдинлик киритар», — дейилади вазирлик баёнотида.