Расмийлар тузилмавий муаммони ҳал қилгунга қадар АҚШда 50 та банк барбод бўлиши мумкин
Бу ҳақда РИА Новости агентлигига Lehman Brothers молиявий корпорацияси собиқ вице-президенти Лоуренс Макдональд маълум қилди.
Аввалроқ штатларда иккита йирик банк – Signature Bank ва Silicon Valley Bank пулларини йўқотган эди. Макдональд банк секторидаги вазият 2008 йилда Lehman Brothersнинг қулашига ўхшайди, деб ҳисоблайди.
Унинг сўзларига кўра, мамлакатда рецессия хавфи муқаррар ва яқин икки ой ичида иқтисодий фаолликнинг пасайиши ва иш ўринлари қисқариши кутилмоқда. Маблағларнинг чиқиб кетишини чеклаш учун АҚШ ҳукумати депозит кафолатларини оширишга мажбур бўлади, дея қўшимча қилди у.