Иқтисодчи Рубини АҚШ банк тизимида кутилаётган муаммоларни башорат қилди
Америкалик иқтисодчи Нуриэл Рубини АҚШ банк тизими яқин келажакда жиддий қийинчиликларга дуч келишини айтди.
Унинг сўзларига кўра, ҳозирги шароитдан келиб чиққан ҳолда, АҚШ иқтисодиётида рецессия эҳтимоли сезиларли даражада ошмоқда.
Нуриэл Рубинининг таъкидлашича, асосий муаммо ипотека бўйича, тижорат кўчмас мулклари, шунингдек, кичик ва ўрта корхоналарга кредит берувчи ҳудудий банкларда юзага келмоқда.
Silikon Valley банки банкротликка учраганидан кейин кичикроқ банклар кредит бериш жараёнини мураккаблаштирди.
«АҚШ иқтисодиётни ретсессияга олиб келадиган кредит инқирозига йўл олди. Ушбу инқироз аввалгидан анча жиддийроқ ретсессия юз бериши эҳтимолини сезиларли даражада оширади. Натижада, Америка банк тизимининг катта қисми учун хавфли муаммога дуч келамиз», – дейди Рубини.