Юмшоқ айиқчалар нега Teddy деб аталади?
1902-йилда президент Теодор Рузвелт Миссисипи штатига Луизиана штати билан чегаралар бўйича муаммоларни ҳал қилиш учун боради. Ҳамма президентнинг ов ишқибози эканини яхши биларди. Музокаралардан бўш вақтда уни овга таклиф қилишади. Ов вақтида президент кичкина айиқ болачасига дуч келади. Лекин айиқчани отмайди ва келган жойига қўйиб юборади. Бир неча кундан сўнг бу воқеа ҳақида бутун мамлакат хабар топади.
Уддабурон тадбиркорлардан бири канцелярия жиҳозлари сотувчиси Митчел вазиятдан фойдаланишга қарор қилади. Ўз дўкони витринасига матодан тикилган айиқчани Teddy’s Bear ёки Теддининг айиқчаси (Теодор исмининг кичрайтирилган, эркаланган шакли) ёзилган тахтача билан бирга қўйилади.
Бу ўйинчоққа бўлган талаб шу даражада ошиб кетадики, бизнесмен юмшоқ ўйинчоқлар ишлаб чиқарадиган шахсий заводини очади. Теодорнинг тарафдорлари эса бу айиқчани ўзларининг талисманига айлантиради.