«Реал» президенти Мбаппе бўйича қарашларини ўзгартирди
Мадриднинг “Реал” клуби Килиан Мбаппени 2024 йилда сотиб олмоқчи. Кўпчилик ҳужумчини бир йил аввал «Сантьяго Бернабеу»да кўришини кутганди, аммо кейин Мбаппе «ПСЖ» билан янги шартнома имзолашни маъқул кўрди.
Relevo хабарига кўра, «Реал Мадрид» президенти Флорентино Перес Мбаппенинг муваффақиятсиз трансфери учун шахсий узр сўрашини қабул қилган. Мадрид клуби хўжайини Килианни 2023/2024 йилги мавсум охирида қўлга киритиш имконияти ҳақида жуда ижобий фикрда.
Қайд этилишича, Мадриднинг “Реал” клуби ўтиш жараёнининг узилиши ҳақидаги ҳикоядан сўнг Мбаппе билан учинчи шахслар орқали боғланишда давом этган.