Европа Иттифоқи Россияга қарши навбатдаги санкция пакетини келишиб олди
Европа Иттифоқининг доимий вакиллари Брюсселдаги йиғилишда Россияга қарши санкцияларнинг 11-пакети бўйича келишиб олдилар, деб хабар берди Швеция ваколатхонаси Twitter’да. Таъкидланишича, янги пакет санкцияларни четлаб ўтишга қарши кураш чораларини ўз ичига олади, шунингдек, индивидуал санкциялар рўйхати кенгайтирилади.
Россиянинг Европа Иттифоқидаги доимий ваколатхонаси матбуот хизмати аввалроқ Брюссел учинчи давлатларга нисбатан чекловларни ўз ичига олувчи 11-санкция пакетини ишлаб чиқишда Европа Иттифоқининг ўзи учун хавфларни ҳисобламаганини маълум қилганди. Россия вакилларининг фикрича, бундай чоралар Европа учун иқтисодий ва сиёсий жиҳатдан салбий таъсир кўрсатиши мумкин.