Тошкентдаги кўп қаватли уйда ёнғин содир бўлди
Бугун, 25 июнь куни Тошкент шаҳрининг Юнусобод туманида жойлашган кўп қаватли уйлардан бирида ёнғин содир бўлди. Ҳолат юзасидан Фавқулодда вазиятлар вазирлиги маълумот берди.
Қайд этилишича, соат 19:13 да Юнусобод тумани 12-даҳада жойлашган кўп қаватли уйнинг том қисми ёнаётганлиги тўғрисида шаҳар ФВБга хабар тушган. Зудлик билан ҳодиса жойига ёнғин қутқарувчилар етиб бориб, ёнғинни қуршаб олишган.
Ёнғинни бартараф этишга 4 та ёнғин-қутқарув экипажи 2 та автонарвон жалб этилган. Ҳодиса оқибатида тан жароҳати олган ва ҳалок бўлганлар йўқ.
Ҳозирда ёнғин сабаби ва моддий зарар миқдори аниқланмоқда.