Чет тилидан ижодий имтиҳон натижалари эълон қилинди
2023-йил 17-23-июл кунлари 8 та олий таълим муассасасининг тегишли таълим йўналишларига ўқишга кириш учун ўтказилган чет тилидан ижодий имтиҳон натижалари эълон қилинди.
Имтиҳон натижалари my.uzbmb.uz сайтида эълон қилинган бўлиб, имтиҳонда иштирок этган абитуриентлар шахсий кабинетидан (абитуриент қайд варақасининг юқори қисмида) ўз натижаларини билишлари мумкин.
Бунда абитуриентнинг ҳар бир бўлим бўйича тўплаган баллари, жами балл, максимал (120) баллга нисбатан фоиз кўрсаткичи ва ОТМларга киришда чет тили фанидан бериладиган балл акс этган.
Эслатма: ўз натижасидан норози бўлган абитуриентлар 3 кун ичида (30-31-июл ва 1-август кунлари) my.uzbmb.uz сайти орқали апеллация шикояти беришлари мумкин.
Апеллация шикояти Апеллация комиссияси томонидан кўриб чиқилади ва талабгор Апеллация комиссияси қарори тўғрисида my.uzbmb.uz сайти орқали хабардор қилинади.
Белгиланган муддатдан сўнг апеллация шикоятлари қабул қилинмайди ва апеллация шикоятлари қайта кўриб чиқилмайди.