Роналду: «Месси билан рақобат тугади»
“Ан-Наср” ҳужумчиси Криштиану Роналду “Интер Майами” ҳужумчиси Лионель Месси билан рақобати ўтмишда қолганини айтди.
“Рақобат тугади. Бу ажойиб эди, мухлисларга ёқди. Криштиану Роналдуни севадиган одам Мессидан нафратланиши шарт эмас. Иккаласи ҳам яхши ўйинчилар, иккаласи ҳам футбол тарихини ўзгартирди. Бизни бутун дунё ҳурмат қилишади ва бу асосий нарса. У ўз йўлидан кетади, мен ўзимникидан. У ўз ишини қилади, мен эса Европадан ташқарида ўйнашимиздан қатъи назар, ўз ишимни қиламан. Кўрганингиздек, у яхши, мен ҳам яхши ишлаяпман, ҳаёт давом этмоқда. Биз 15 йил давомида саҳнани бўлишдик. Биз дўстмиз, демаяпман, лекин биз касб бўйича ҳамкасбмиз ва бир-биримизни ҳурмат қиламиз», – дея португалиялик футболчининг сўзларини келтиради Record.
38 ёшли Роналду беш карра “Олтин тўп” соҳиби, шунингдек, беш карра Чемпионлар лигаси, Европа чемпиони ва Миллатлар лигаси ғолиби. 2022 йилнинг декабрида Роналду Саудия Арабистонининг “Ан-Наср” клуби билан 2,5 йиллик шартнома имзолади. Хабар қилинишича, унинг маоши рекламадан тушган даромадни ҳисобга олган ҳолда йилига 200 миллион еврони ташкил қилади.