Роналду жорий мавсумда нечта гол урмоқчи эканини айтди
«Ан-Наср» клуби ҳужумчиси Криштиану Роналду жорий мавсумда қанча гол уришни режалаштираётганини айтиб ўтди.
«Мен одамларни катта рақамларга ўргатиб қўйдим. 10, 15, 17 та гол — энди кам. Ўзим планкани юқорига кўтариб, кўп гол уришга ўрганиб қолдим. Шундай руҳда давом этиш керак. Ўзимни яхши ҳис этяпман, яхши меҳнат қиляпман, мавсумга тайёргарликни аъло даражада ўтадим. Терма жамоада ҳам барчаси жойида.
Жорий мавсумда 17 тадан кўп гол урсам керак. Мавсумни яхши бошладим. Сифатли амалга оширилган мавсумолди тайёргарлиги ўз сўзини айтиши керак. Тайёргарлик аъло даражада, фаолиятимдаги энг яхшиси бўлди. Энди формани барқарор ушлаб туришим керак. Мен ўз жамоаларимга ёрдам беришга ҳамиша тайёрман», – деди португалиялик футболчи.