Популяр җырлар авторы Фердинант Гайсин вафат
Популяр җырлар авторы Фердинант Гайсин вафат. Бу кайгылы хәбәрне композитор Җәүдәт Гыйльманов җиткерде.
Мәрхүм белән хушлашу бүген, 17 май көнне 11.00 сәгатьтә Казанның Заря урамы, 7а адресы буенча узачак.
Фердинант Гайсинның иң популяр җырларның берсе - "Талым ялгыз" җыры. Наил Табанаков көй язган бу җырны Табанаков үзе һәм Зәйнәб Фәрхетдинова башкара.
Яшьлегемә кайтып киләм, Хисләрдән җырлар уреп. Су буенда — ялгыз талым, Шатланыр инде куреп.
Су буенда талым ялгыз, Аерды безне язмыш, Бәхет эзләп еракларга, Дуслар, киткәнмен ялгыш.
Күрмәгәндә шактый еллар, Талым картаеп киткән, Хәлләреңне белмәсәм дә, Күңелдә сине йөретәм.
Су буенда талым ялгыз, Аерды безне язмыш, Бәхет эзләп еракларга, Дуслар, киткәнмен ялгыш.
Ялгыз җаным, ялгыз талга Кайткан саен сыенам. Яннарыңда сүнмәс яшьлек Көтәр кебек тоела.
Су буенда талым ялгыз, Аерды безне язмыш, Бәхет эзләп еракларга, Дуслар, киткәнмен ялгыш.