АҚШ ДАИШ-пен күресу үшін тәліптермен ынтымақтастық жасағанын жоққа шығармады
АҚШ Ауғанстандағы "Ислам мемлекеті" (ИШИМ, ұйым Қазақстанда тыйым салынған) террористік тобына қарсы күрес үшін тәліптермен ынтымақтастық орнатқанын жоққа шығармады, - деп хабарлайды Tengrinews.kz тілшісі NBC Chicago порталына сілтеме жасап.
Бұл туралы АҚШ армиясының генералы, Қарулы Күштер штабының 20-төрағасы Марк Милли хабарлады.
Пентагон "Талибан" террористік ұйымымен ынтымақтастық орнатуға рұқсат бере ме деген сұраққа: "Мүмкін", - деп жауап берді Милли (Жоғарғы соттың шешіміне сәйкес, Қазақстанда қозғалысқа тыйым салынады).
LIVE: @SecDef Lloyd J. Austin III and chairman of @TheJointStaff Gen. Mark A. Milley, hold a news briefing at the Pentagon. https://t.co/AvWIdBXbz6
— Department of Defense ???????? (@DeptofDefense) September 1, 2021
"Біз "Талибанның" болашағы қалай боларын білмейміз. Бұл қатыгез топтың өзгеретінін, не осылай қалатынын тек болашақта көре аламыз. Біздің олармен қарым-қатынасымызға келетін болсақ, соғыс кезінде, әскери миссияны орындау үшін, қауіп-қатерді азайту үшін, істегің келетінді емес, дәл сол уақытта істеуің керек нәрсені ғана орындауға тиіссің", - деп толықтырды генерал.
Пентагонның баспасөз конференциясына АҚШ Қорғаныс министрі Ллойд Остин де қатысты, ол тәліптермен жасасқан ынтымақтастыққа қатысты ешқандай болжам жасағысы келмейтінін мәлімдеді.
"Мен әскери күштеріміздің істегенін мақтан тұтамын деп айтар едім, бірақ болашақта "Талибанға" қатысты не болатынын болжау қиын", - делінген хабарламада.
Портал мәліметінше, "Ислам мемлекеті" содырларына немесе "Аль-Каида" сияқты басқа экстремистік топтарға соққы беру америкалық қарулы күштер мен экстремистік желілер туралы ақпарат алмасуға болатын Достық үкіметтік күштердің болмауы жағдайында қиын болады. Алайда АҚШ президенті Джо Байденнің әкімшілігі бұл топтарды аймақтағы басқа елдерде орналасқан құралдармен бақылау және ықтимал соққы беру арқылы тоқтата алады деп мәлімдейді.
Бұған дейін АҚШ-тың 90-ға жуық генералы Пентагон басшысын отставкаға кетуге шақырды.
17 тамызда "Талибан" қозғалысының содырлары Ауғанстан астанасы Кабулға кіріп, президент сарайын басып алды. Олар Ауғанстан Ислам Әмірлігінің құрылғанын жариялап, елдегі билікті басып алды. Ауғанстан президенті Ашраф Ғани елден қашып кетті.
Сілтемесіз жаңалық оқисыз ба? Онда Telegram желісінде парақшамызға тіркеліңіз!