Пенсионерлар игътибарына: Татарстанда кемнәргә өстәмә социаль түләү каралган
Татарстан пенсионерларының кайбер категорияләре пенсияләренә социаль өстәмә түләүгә исәп тотарга хокуклы. Мондый ярдәм чарасы кемгә тиешле? Бу хакта «Татар-информ» яза.
Пенсиягә өстәмә социаль түләү эшкә урнашмаган пенсионерларга түләнә, тик бер шарт бар: аларның гомуми кереме пенсионерның республикада билгеләнгән яшәү минимумына җитмәгән булырга тиеш.. Татарстанда быел ул 12963 сумга тигез.
Пенсионерның керемнәрен исәпләгәндә түбәндәге түләүләр исәпкә алына:
- ул алырга хокуклы булган барлык пенсияләр, шул исәптән үзе баш тартканнары да;
- ашыгыч пенсия түләүләре;
- өстәмә социаль түләүләр (мәсәлән, югары дәүләт бүләкләре өчен);
- айлык түләүләр;
- бер мәртәбә түләүләрдән тыш, социаль ярдәмнең республика чаралары;
- республика социаль ярдәм чаралары (бер тапкыр түләнелә торганнардан кала).