Керкәле авылында янгында хатын-кыз һәлак булган, ир-ат хастаханәдә
Татарстанның Лениногорск районы Керкәле авылында Совет урамындагы йортларның берсендә янгын чыккан. Бу хакта «Татар-информ» хәбәр итә.
Янгын сүндерүчеләр килгәндә, шәхси йортны ут камап алган була, янгын мәйданы 32 квадрат метрны тәшкил итә.
«Татар-информ»га Россия Гадәттән тыш хәлләр министрлыгының ТР буенча Баш идарәсендә хәбәр итүләренчә, янгында 58 яшьлек ир-ат зыян күргән. Ул кул җәрәхәтләре белән Лениногорск үзәк район хастаханәсенә китерелгән.
Янгын сүндерүчеләр утны сүндергәндә, 68 яшьлек хатын-кызның мәетен тапкан.
Янгынның сәбәбе ачыклана, диелә хәбәрдә.