Җырчы Нурзадә нәрсә эшләүне булдыра алмаячак?
Җырчы Нурзадә социаль челтәрдәге битендә Төркиядән ялдан кайтуы турында хәбәр иткән..
«Ял иттем, су коендым (йөзмәдем, чөнки йөзә белмим). Мин өйрәнә алмый торган шөгыль бу. Булмый инде булмагач. Өйрәнеп карадым, карамадым түгел. Күзлек, купальник алып, махсус тренер яллап, бассейнга бардым. Әмма тренерны батыра язгач аңладым – очарга туган кеше йөзә белми икән. Шундый очып йөри торган кеше бит инде мин. Йөзә белмәсәм дә, диңгездән чыкмадым да, аквааэробика белән шөгыльләндем», – дип язган җырчы.
Җырчыны социаль челтәрдә күзәтүчеләр «ял килешкән» дип бәяләгән яңа фотоны.
«Мин дә бар әле йөзә белмәүче» дип язучыга «үзем генә түгел икән алайса» дип җавап язган Нурзадә.
«Ә мин велосипедта йөри белмим, өйрәнә дә алмыйм», – дип күңелен бушаткан берсе.