Яңа дуэт: Ильмира Нәгыймова белән Гөлназ Асаева әкәмәт җыр яздырган
Эстраданың яшь һәм матур ханымнары Ильмира Нәгыймова белән Гөлназ Асаева тамашачыларга үзләрен дуэт буларак тәкъдим иткән. Алар «Сез хаклы» җырын башкара.
Яңа дуэтны һәм җырны кабул итүчеләр, шулай ук ошатмаучылар да бар:
«Шушы ике тавышны яратып тыңлыйм мин. Ут!», «Искитмәле дуэт», «Хейтерларга җавап», «Әкәмәт», «Текә», «Әллә ничә карадым, кызлар. Шәп булган», – дип, хуплап алучылар күпсанлы смайликлар да калдырган
«Җырның мәгънәсе юк, кемгә җырлыйсыз», «Җырның мәгънәсе нинди? Сүзләр җыелмасы...», «Җыр мәгънәле булырга тиештер инде ул, сүз тезмәсе түгел», – дип канәгатьсезлек белдерүчеләр дә бар.
«Минем гомер театр түгел ул,
Сәхнәдә спектакль уйнамыйм.
Берсен дә гаҗәпкә калдырып
Тәэсир итәргә омтылмыйм...
«Әйбәт» дисәгез дә хаклы сез,
«Начар» дисәгез дә хаклы сез,
Әүлия соң җирдә кайсыбыз?»