Нинди фатир алу акча ягыннан отышлы була?
Фатир алырга мөмкинлегегез булса, аны озакка сузмау хәерле. Бу турыда «Прайм» агентлыгына Accent Capita инвестицион анализ төркеме җитәкчесе Игорь Талалов сөйләгән.
«Гадәттә аз габаритлы фатирларга ихтыяҗ зур була. Аның бәясе күпкә кимрәк. Шул ук вакытта бер квадрат метр бәясе зур фатирдагы квадрат метр бәясеннән артыграк булырга мөмкин», – ди эксперт.
Аның сүзләренчә, мондый торакны карап тоту өчен чыгымнар арзанрак була. Нәкъ менә зур булмаган мәйданнар шәхси инвесторларга кызыклы. Андый фатирны отышлы итеп сатарга яки арендага биреп торырга була, ди белгеч. Бу турыда РИА Новости хәбәр итте.