Тольяттида Дан ордены кавалеры Хәмидулла Насыйбуллин хөрмәтенә мемориаль такта ачылды
(Казан, 22 июнь, «Татар-информ»). 21 июньдә Тольяттида Дан ордены кавалеры Хәмидулла Насыйбуллин хөрмәтенә мемориаль такта ачылды. Бу турыда «Самара татарлары» сайтында хәбәр ителә.
Чараны Тольятти шәһәрендә яшәүче татарларның милли-мәдәни автономиясе рәисе Ислам Гомәров ачты.
Тольятти шәһәре милли-мәдәни берләшмәләренең бердәм советы рәисе Юрий Михайлович Демкин геройны искә алды һәм чараның башка катнашучылары белән бергә мемориаль тактага чәчәк куйды, диелә хәбәрдә.