Աբխազիայի նախագահը կոչ է արել ազգամիջյան պառակտում չհրահրել հայերի և աբխազների միջև
Արմինֆո. Աբխազիայի նախագահ Ռաուլ Հաջիմբան կոչ է արել ազգամիջյան պառակտում չհրահրել հայերի և աբխազների միջև:
Համապատասխան հայտարարություն է տարածել նախագահի մամուլի ծառայությունը՝ կապված «Աբխազիայի ժողովրդի 1992-91 թթ. հայրենական պատերազմում» հայկական գումարտակի մասնակցությանը բացասական գնահատական տալու հետ:
«Մեր բազմազգ ժողովրդին պառակտելու փորձերը ձեռնտու են միայն մեր թշնամիներին: Աբխազիան մեր ընդհանուր տունն է, մեր ամրոցը և մեր օջախը: Մենք թույլ չենք տա ներսից փլուզել այն»,- նշված է հայտարարությունում:
Անցած շաբաթ Facebook-ում հայտնվել է Աբխազիայի ֆուտբոլային ակումբի փոխնախագահ Ջեմալ Բարցիցայի հայտարարությունը, որում նա բացասական գնահատական է տվել վրաց -աբխազական պատերազմին Աբխազիայի հայկական համայնքի մասնակցությանը։
Հայկական համայնքը Բացիցայի սպառնալիքները, թե «Հայաստանի իշխանությունը չի ճանաչում Աբխազիայի անկախությունը, ուրեմն հայերը պետք է լքեն Աբխազիայի տարածքը», սադրիչ է համարել և պահանջել է ներողությոսւն խնդրել։