Geopolitical monitor-ի կանխատեսում. Ռուսաստանից Հայաստանի կախվածությունը բարդացնում է Ղարաբաղի շուրջ ստատուս-քվոյի պահպանումը
Արմինֆո.Ռուսաստանից Հայաստանի կախվածության վտանգավոր աստիճանը, Ադրբեջանում ռազմական շինարարության աճի հետ մեկտեղ, բարդացնում է Ղարաբաղի շուրջ ստատուս-քվոյի պահպանումը, նշվում է Կանադայի Geopolitical monitor հետազոտական ինստիտուտի վերլուծությունում:
Ինստիտուտի վերլուծաբանները նշում են, որ, ի տարբերություն հետխորհդրային տարածքի մյուս հակամարտությունների, ղարաբաղյան հակամարտությունը սառեցված չէ` ի սկզբանե: Իսկ հրադադարի ռեժիմի ամենօրյա խախտումներն անցնում են 100-ից` դժվարացնելով հակամարտող կողմերի միջև խաղաղ կարգավորման հասնելը:
Geopolitical monitor-ը 2016 թվականի ապրիլին հակամարտող կողմերի միջև իրավիճակի վերլուծության հիման վրա կարծում է, որ հակամարտությունը կայուն չէ և ենթակա է փոփոխությունների` աշխարհաքաղաքական հանգամանքների առնչությամբ: Շփման գծում վտանգավոր անմիջական իրավիճակից զատ հակամարտության կարգավորման գործում ցանկացած առաջըթնաց բարդացնում են Հարավային Կովկասում աշխարհաքաղաքական շահեր ունեցող սուբյեկտները:
«Սակայն, հակամարտող կողմերի վրա Ռուսաստանի մեծ աշխարհաքաղաքական կշիռն ու ազդեցությունը Մոսկվային թույլ են տալիս շարունակել զենքի մատակարարումն ինչպես Բաքվին, այնպես էլ Երևանին: Դա արվում է ռազմական հաշվեկշռի և, համապատասխաբար, ստատուս-քվոյի պահպանման, ինչպես նաև տարածաշրջանում ցանկացած այլ ազդեցություն կանխարգելելու նպատակով, առաջին հերթին` թուրքական և իրանական, քանի որ Անկարան և Թեհրանը շարունակում են հնարավորություններ հայթայթել հակամարտությունների կարգավորման գործընթացում ազդեցությունը մեծացնելու համար՚, - նշում են Geopolitical monitor-ի վերլուծաբանները: