Ռիչարդ Միլսը` Հայաստանի ձեռքբերումների և զարգացման խոչընդոտների մասին
Արմինֆո. «Հայաստանը շատ ձեռքբերումներ ունի, սակայն, միևնույն ժամանակ, ունի մարտահրավերներ՚, - հայտարարել է ՀՀ-ում ԱՄՆ դեսպան Ռիչարդ Միլսը` «Ամերիկայի ձայնի՚ հետ հարցազրույցում: Նա, մասնավորապես, նշել է, որ դիվանագիտական գործունեության ընթացքում ինքը միշտ հետևել է Հայաստանի իրադարձություններին, հավելելով, որ Հաայստանն այդ ընթացքում մեծ ճանապարհ է անցել: «Այստեղ կա գործող, բաց շուկայական համակարգ, որը զարգացել ու կայացել է, ձևավորվել է գործարար միջավայր, որը բաց է, և դա ինձ թույլ է տալիս խրախուսել ԱՄՆ գործարարներին` ներդրումներ կատարելու Հայաստանում՚, - հայտարարել է Միլսը:
Նրա ասելով, 1990-ականների սկզբին Հայաստանի կենսամակարդակը կտրուկ փոխվել է, լավ փոփոխություններ կան էներգետիկայի, կրթության և առողջապահության համակարգերում: Նրա ասելով, Հայաստանում փոփոխություներ կան ժողովրդավարության, քաղաքացիական հասարակության և մարդու իրավունքների բնագավառներում: «Սակայն կան նաև մարտահրավերներ, որոնք Հայաստանին թույլ չեն տալիս լիովին իրագործել իր ներուժը՚, - նշել է ԱՄՆ դեսպանը: Պատասխանելով Հայաստանի առավել դինամիկ զարգացման համար խոչընդոտներիի վերաբերյալ հարցին` Ռիչարդ Միկլսը նշել է, թե` տպավորություն է ստեղծվում, որ հասարակությունում չկան հավասար հնարավորություններ: «Խոսքը վերաբերում է դատական համակարգին և պետգական ծառայություններին: Այլ խոսքով` դա թափանցիկության բացակայության կամ կոռուպցիայի առկայության խնդիրն է՚:
Այդուհանդերձ, դեսպանը նշել է, որ Հայաստանում կան դրական միտումներ, մասնավորապես, կոռուպցիայի դեմ պայքարում դիմադրության բացակայությունը: «Դա նշանակում է, որ հասարակությունը նույնպես ցանկանում է պայքարել կոռուպցիայի դեմ՚, - հայտարարել է դեսպանը: