Սերժ Սարգսյան. ԵՄ հետ շրջանակային համաձայնագրի գծով Հայաստանի պարտավորությունները չեն կարող հակասել ինտեգրացիոն մյուս միավորումների գծով Երևանի ստանձնած պարտավորություններին
Արմինֆո. ԵՄ հետ շրջանակային համաձայնագրի գծով Հայաստանի պարտավորությունները ոչ մի կերպ չեն կարող հակասել ինտեգրացիոն մյուս միավորումների գծով ավելի վաղ Երևանի ստանձնած պարտավորություններին: Այդ մասին հայտարարել է Հայաստանի նախագահ Սերիժ Սարգսյանը` bfm.ru-ի հետ հարցազրույցում:
«Վերջին ամսվա ընթացքում այդ համաձայնագիրը միանգամայն օբյեկտիվորեն մեկնաբանվում է ռուսական մամուլում: Այնտեղ ամեն ինչ շատ մանրամասն նկարագրվում է: Ըստ էության, դա ԵՄ հետ համագործակցության խորացում է: Առաջին հերթին` մեր հասարակության արդիականացում: Այնտեղ առկա են արդյունավետ կառավարում, մարդու իրավունքներ, տնտեսությանը գրեթե չի առնչվում: Ես ասում եմ «գրեթե՚, քանի որ իրականում այնտեղ կա կետ, որի համաձայն, այդ համաձայնագի գծով պարտավորությունները ոչ մի կերպ չեն կարող հակասել ավելի վաղ այլ ինտեգրացիոն միավորումների հանդեպ Հայաստանի ստանձնած պարտավորություններին՚, - պարզաբանել է Սարգսյանը և հավելել, որ այնտեղ հակասություններ չեն կարող լինել:
Հայաստանի ղեկավարն ընդգծել է, որ Հայաստանում կգործեն այն օրենքները, այն համաձայնագրերը, պայմանագրերը, որոնք Երևանը ստորագրում է ԵԱՏՄ շրջանակում: Նա հավաստիացրել է, որ իրականում էական տարբերություն չկա: «Ռուսաստանը ԱՀԿ անդամ է, մենք ԱՀԿ անդամ ենք, Ղազախստանն ու Ղրղըզստանը` նույնպես: Վերրջ ի վերջո, ես կարծում եմ, որ ԵԱՏՄ կհանգի այն բանին, որ գործի Առևտրի համաշխարհային կազմակերպության կանոններով, այն կանոններով, որոնցով այժմ աշխատում են եվրոպացիները: Այնտեղ, իհարկե, կան նաև այլ պահեր. տեխնիկական կանոններ, շատ այլ բաներ… Սակայն ԵԱՏՄ-ին հակասող ոչինչ չկա՚, - ասել է Հայաստանի ղեկավարը:
Անդրադառնալով ԵԱՏՄ ընդհանուր մաքսային քաղաքականությանը և առկա խնդիրներին` Սարգսյանը նշել է, որ հարցեր, անշուշտ, կարող են ծագել: «Մենք ունենք տարբեր երկրներ, տարբեր հնարավորություններ: Մյուս կողմից, եթե դու ուզում ես օգտվել մեծ շուկայի առավելություններից, պետք է ինչ-որ բանում զիջումների գնաս, սակայն դրանք բոլորը ժամանակավոր երևույթներ են: Ես կարծում եմ, որ վեիջ ի վ երջո, մենք կհասնենք սակագների այն մակարդակին, որոնք ունենք ԱՀԿ-ում: Եվս մեկ անգամ եմ ասում. Ռուսաստանը ԱՀԿ անդամ է, մենք ` նույնպես: Այո, մեր երկրներից յուրաքանչյուրը տարբեր ժամանակ տարբեր սակագներ է ստացել, սակայն, միևնույն է, դա տնտեսության զարգացման համար խոչընդոտ չի լինի: Այսինքն, այդ ողջ համալիրի օգուտն ավելի շատ է, քան առանձինի (հարցերի, դիրքորոշումների) վնասը՚, - եզրափակել է նա:
Հավելենք, որ նոյեմբերի 24-ին Բրյուսելում ԵՄ Արևելյան գործընկերության գագաթնաժողովում նախատեսվում է Հայստան-ԵՄ նոր շրջանակային համաձայնագրի ստորագրում: