Բուլղարիայի հին մայրաքաղաքում հայ մեկենասի ջանքերով կիրիլյան այբուբենով ստեղծագործող գրողների ծառուղի է բացվել
Արմինֆո. Նոյեմբերի 1-ին Բուլղարիայում նշվող սլավոնական աշխարհի գրողների և լուսավորիչների տոնին հին մայրաքաղաք Պլիսկայում հայ մեկենաս Կարեն Ալեքսանյանի ջանքերով բացվել է կիրիլյան այբուբենով ստեղծագործող գրողների ծառուղի:
Ծառուղին բացվել է Ալեքսանյանի կողմից ստեղծված պատմամշակութային համալիրում, որտեղ առաջինը տեղադրված է բուլղարացի բանաստեղծ, հեղափոխական Պեյո Յավորովի հուշարձանը, ում գրչին է պատկանում «Հայեր՚ բանաստեղծությունը: Ծառուղու բացման արարողությանը ներկա են եղել հասարակական-քաղաքական գործիչներ, կառավարական, մշակութային և հոգևոր շրջանակների ներկայացուցիչներ: