Սերժ Սարգսյանը ցավակցական հեռագիր է հղել ԱՄՆ նախագահ Դոնալդ Թրամփին
Արմինֆո. Նախագահ Սերժ Սարգսյանը ցավակցական հեռագիր է հղել ԱՄՆ նախագահ Դոնալդ Թրամփին՝ Տեխաս նահանգի Սաթերլենդ Սփրինգս քաղաքի եկեղեցում տեղի ունեցած ողբերգության կապակցությամբ, որը տասնյակ անմեղ զոհերի և վիրավորների պատճառ է դարձել:
Նախագահ Սարգսյանը խորին ցավակցություն է հայտնել նախագահ Թրամփին, Միացյալ Նահանգների բարեկամ ժողովրդին և զոհվածների հարազատներին՝ մաղթելով ուժ և ոգու արիություն, իսկ վիրավորներին՝ շուտափույթ ապաքինում:
Նոյեմբերի 5-ին ԱՄՆ Տեխասի նահանգում ահաբեկչություն է տեղի ունեցել: Իշխանությունների տվյալներով՝ 26 մարդ զոհվել է, մոտ 20-ը՝ վիրավորվել
Սազերլենդ-Սփրինգս քաղաքի եկեղեցում կրակոցների հետևանքով: Կրակողը թաքնվել է հանցանքի վայրից, սակայն ավելի ուշ մահացած է գտնվել իր ավտոմեքենայում: ԶԼՄ-ների համաձայն՝ նրա անունը Դևին Քելլի է: