Իրանագետ. Արցախի և իրանա-արցախյան սահմանի շուրջ ստատուս-քվոն բխում է Թեհրանի շահերից
Արմինֆո. Արցախի և իրանա-արցախյան սահմանի շուրջ գործող ստատուս-քվոն բխում է Թեհրանի շահերից: ԱրմԻնֆո-ին այդպիսի կարծիք է հայտնել ԵՊՀ արևելագիտության ֆակուլտետի իրանագիտության ամբիոնի վարիչ Վարդան Ոսկանյանը:
«Իրանցիներն, անշուշտ, երբեք դիվանագիտական մակարդակով չեն արտահայտում իրենց շահագրգռվածությունը, դա անելով, հիմնականում, փորձագիտական մակարդակով, սակայն Իրանի համար շահավետ է Արցախի շուրջ ստատուս-քվոն և իրանա-արցախյան սահմանին առկա իրավիճակը: Եվ, իհարկե, այդ ստատուս-քվոյի փոփոխումը հօգուտ Ադրբեջանի Թեհրանի համար ցանկալի չէր լինի՚, - ընդգծել է նա:
Իրանագետի կարծիքով, հենց ղարաբաղյան հաւրցում չեզոքությունն է Թեհրանին հնարավորություն ընձեռում հարաբերություններ պահպանել ինչպես Երևանի, այնպես էլ Բաքվի հետ` էապես մեծացնելով նրա մանևրականությունը: Նշելով ղարաբաղյան հակամարտության կարգավորման գործում ազդեցությունը մեծացնելու ԻԻՀ ձգտումը` Ոսկանյանն ընդգծել է Ղարաբաղի շուրջ բանակցությունների Մինսկի ձևաչափի անփոփոխությունը: Իրանագետը ԵԱՀԿ ՄԽ համանախագահների կազմը փոխելու հեռանկարների բացակայությունը բացատրում է հակառակ դեպքում այնտեղ Թուրքիայի հայտնվելու հեռանկարով և նրա հատուկ կանխակալ դիրքորոշմամբ:
Աշխարհաքաղաքականության և տարածաշրջանային անվտանգության ապահովման տեսակեկտից իրանագետը չափազանց բարձր է գնահատում Արցախի և Իրանի միջև սահմանի կարևորությունը` ինչպես Իրանի, այնպես էլ Արցախի համար: Թեհրանի համար Արցախի հհետ սահմանը կարևոր է Իրանի հյուսիս-արևմտյան նահանգնելում Ադրբեջանի ազդեցության էական նվազման առնչությամբ: «Իհարկե, պետք չէ մոռանալ նաև երրորդ ուժերի զինված ներթափանցման սպառնալիքի մաիսն, որոնք Ադրբեջանի տարածքն օգտագործում են հակաիրանական գործողությունների համար՚, - ընդգծել է իրանագետը:
1992 թվականից ի վեր ղարաբաղյան հակամարտության կարգավորմամբ զբաղվում է ԵԱՀԿ Մինսկի խումբը, որը ներկայացված է Ռուսաստանի, ԱՄՆ-ի և Ֆրանսիայի համանախագահների կողմից: Այժմ կարգավորման գործընթացն ընթանում է 2007 թվականին Մադրիդում ԵԱՀԿ ՄԽ հնամանախագահների առաջ քաշած և 2009 թվականին թարմացված «Մադրիդյան սկզբունքների՚ հիման վրա, որոնք, ի թիվս այլ գործողություների, ենթադրում են խաղաղապահ զորակազմի տեղաբաշխում հակամարտության գոտում: