Հայտնի է Հայաստանի նախագահի պաշտոնի առաջին թեկնածուն
Արմինֆո. Ընդդիմադիր «Ելք՚ դաշինքը մտադիր է ապրիլյան ընտրություններում ՀՀ նախագահի պաշտոնի համար առաջադրել պատգամավոր Արտակ Զեյնալյանի թեկնածությունը: Այդ մասին խորհրդարանում հաղորդել է «Ելք՚ խմբակցության ղեկավար Նիկոլ Փաշինյանը` խմբակցության նիստի ավարտից հետո:
Նա նաև հաղորդել է, որ «Ելքն՚ այդ առնչությամբ բանակցություններ է սկսում «Ծառուկյան՚ դաշինքի հետ` Զեյնալյանի թեկնածությանն աջակցութկուն ապահովելու նպատակով, քանի որ նոր սահմանադրության համաձայն, երկրի նախագահին այսուհետև ընտրում է խորհրդարանը` ձայների երեք քառորդով: Զեյնալյանի թեկնածությունն առաջադրելու համար «Ելքը՚ պետք է ապահովի պատգամավորների ձայների մեկ քառորդը, ինչի առնչությամբ հարկավոր է «Ծառուկյան՚ դաշինքի աջակցությունը:
«Ծառուկյան՚ դաշինքում առայժմ չեն շտապում հրապարակել իրենց դիրքորոշումն առաջիկա նախագահական ընտրությունների վերաբերյմալ: Դաշինքի պատգամավորները սահմանափակվում են միայն հայտարարելով, թե այդ հարցն առայժմ չի քննարկվել դաշինքում, և այդ առնչությամբ պաշտոնական դիրքորոշում չկա:
Ինչպես արդեն հաղորդել ենք, այսօր ԱԺ նախկին խոսնակ, ՀՀԿ գործադիր մարմնի անդամ, պատգամավոր Գալուստ Սահակյանը հայտարարել է, որ ՀՀԿ-ում համերաշխություն է տիրում ապագա վարչապետի թեկնածության հարցի շուրջ. դա կլինի Սերժ Սարգսյանը: Սակայն ինքը` Սարգսյանն, այդ հայտարարությունն առայժմ չի մեկնաբանել: