ԱԱԾ-ն զբաղվում է տարիներ շարունակ կարագի անվան տակ ՊՆ-ին մարգարին մատակարարած կազմակերպությունով
Արմինֆո.ԱԱԾ-ն զբաղվում է տարիներ շարունակ կարագի անվան տակ ՊՆ-ին մարգարին մատակարարած կազմակերպությունով:
«Փաստի» հավաստի տեղեկություններով, երկու շաբաթ առաջ ձերբակալություններ են սկսվել հայաստանյան մի կազմակերպությունում, որը տարիներ շարունակ արտերկրից մարգարին է ներկրել ու կարագի անվան տակ հազարավոր տոննաներով վաճառել Պաշտպանության նախարարությանը: Ձերբակալություններն այժմ էլ շարունակվում են, սակայն Ազգային անվտանգության ծառայությունն առայժմ պաշտոնապես չի հայտարարում այդ մասին:
Աղբյուրի համաձայն, ԱԱԾ–ն ուսումնասիրություններ է անցկացրել և պարզել, որ այդ կազմակերպությունը ՊՆ–ին խաբելու միջոցով միլիոնավոր դոլարներ է գրպանել: Առայժմ ձերբակալված են ՀՀ ԳՆ ՍԱՊԾ Հանրապետական անասնաբուժասանիտարական և բուսասանիտարական լաբորատոր ծառայությունների կենտրոն ՊՈԱԿ–ի մի քանի պատասխանատու աշխատակիցներ, հաղորդում է «Փաստը՚: